1. Undirbúningur fyrir aðalfund
Framkvæmdarstjóri fer yfir tillögur að skipun nefndarmanna í fastanefndir félagsins. Enn vantar þó nokkra aðila í nokkrar nefndir.
Þá liggur fyrir árshlutareikningur félagsins en gjaldkeri mun kynna nánar efni hans fyrir stjórnarmönnum og framkvæmdarstjóra fyrir aðalfund.
Þá liggur fyrir að 3 stjórnarmenn eru að klára seinn ár sitt í stjórn félagsins og munu ekki gefa kost á sér til áframhaldandi stjórnarsetu. Kjósa þarf nýja stjórnarmenn í þeirra stað á aðalfundi. Eru félagsmenn hvattir til að bjóða sig fram. Formaður kynnir að hann hyggst gefa kost á sér til endurkjörs.
2. Bréf til stjórnar frá húsfélaginu í Hlíðarþúfum.
Stjórn fer yfir erindið sem varðar m.a. endurtekin þjófnaðarbrot, grun um neyslu á fíkniefnum og ólöglega búsetu á félagssvæðinu. Stjórn Sörla tekur undir þær áhyggjur sem settar eru fram í erindinu og harmar mjög þessa stöðu. Stjórn Sörla samþykkir einróma að festa kaup á öryggismyndavélum og setja upp á félagssvæðinu. Kristján Jónsson tekur málið að sér fyrir stjórn Sörla. Enn fremur er brýnt að félagsmenn kæri öll þjófnaðarbrot til lögreglu.
3. Bréf til bæjarins vegna skipulagsmála á félagsvæði Sörla.
Bréfið er kynnt fyrir stjórnarmönnum og mun það sent Hafnarfjarðarbæ á næstu dögum.
4. Upplýsingar frá nefnd um fjármögnun reiðhallar
Staða málsins kynnt.
5. Önnur mál
Engin önnur mál.
Ekki fleira gert og fundi slitið kl. 22:00