Stjórn Sörla og framkvæmdastjóra langar að hvetja keppendur Sörla til að kaupa sér félagsjakka með það að markmiði að vera sýnileg sem íþróttafólk Sörla. Okkur langar að efla liðsheildina á sama hátt og ef um aðrar keppnisíþróttir er að ræða því þegar fólk er að keppa fyrir ákveðin lið er það í búningum liðs síns.
Það er alltaf skemmtilegra að sýna liðsheild og okkar félagar hafa svo sannarlega sýnt það í gegnum tíðina.
Verum klædd liðsbúningum okkar á minni mótum sem stórmótum. Höldum áfram að standa saman eins og við höfum ávallt gert. Allir þeir sem stefna á Landsmót 2024 ættu tvímælalaust að kaupa sér félagsjakka.
Æskulýðsnefnd félagsins ætlar að standa fyrir fjáröflun fyrir yngri keppendur okkar þannig að þeir geti safnað upp í félagsjakkana sína.
Búið er að semja við Hrímni um lengri frest á pöntunum eða til mánudagsins 5. febrúar. Áhugasamir geta farið í Lífland og mátað þar softshell keppnisjakkann frá Hrímni til að vita stærðina og panta með því að senda póst á sorli@sorli.is
Áfram Sörli