Nefndir

Setjum málið í nefnd

Frá Framkvæmdastjóra

, fimmtudaginn 16. júlí júl 2020

Flest allt starf félagsins er unnið í nefndum, af nefndarfólki og síðan sjálfboðaliðum. Nefndir eru kosnar til árs í senn á aðalfundi. Hér má finna þær nefndir, deildir og félög er starfa innan vébanda Sörla.

Yfirlit nefnda

Ferðanefnd

Hlutverk ferðanefndar er að halda utan um félagsreiðtúra félagsins og hina árlegu sumarferð Sörla.

Fræðslunefnd

Nefndin skal standa fyrir námskeiðum og erindum fyrir alla aldurshópa í samráði við framkvæmdastjóra og aðrar nefndir með það að markmiði að vinna að framgangi hestamennsku.

Graðhestamannafélagið

Tilgangur félagsins er sá að valda straumhvörfum í íslenskri hrossarækt, efla andann, vökva lífsblómið og ræða um stóðhesta og ræktun.

Krýsuvíkurnefnd

Hlutverk Krýsuvíkurnefndar er að sjá um aðstöðu félagsins í Krýsuvík. Þar hefur félagið til umráða beitiland.

Kvennadeild

Markmið Kvennadeildar Sörla er að skapa samvinnu og félagslegan grunn meðal kvenna í Sörla.

Kynbótanefnd

Kynbótanefnd hefur það að aðalmarkmiði að styðja og auka áhuga á hrossarækt meðal félagsmanna Hestamannafélagsins Sörla.

Laganefnd

Hlutverk laganefndar er að kosta kapps um að lög félagsins og starfslýsingar séu sem vandaðastar og þjóni sem best markmiðum félagsins á hverjum tíma.

Lávarðadeild

Lávarðadeildin samanstendur af fyrrverandi formönnum hestamannafélagsins Sörla. Stjórn félagsins getur leitað til lávarðadeildarinnar með málefni sem hún telur henta.

Mótanefnd

Móta- og Vallanefnd sér um framkvæmd móta sem fara fram í Sörla að undanskildum firmakeppnum og hvetur félagsmenn til þátttöku á Íslandsmótum og Landsmótum.

Reiðveganefnd

Markmið reiðveganefndar er að fylgjast vel með mannvirkjagerð, þ.e. húsbyggingum og vegagerð á félagssvæði Sörla í góðu samstarfi við bæjaryfirvöld.

Skemmtinefnd

Fjáröflunar- og skemmtinefnd sér um allar skemmtanir Sörla, svo sem árshátíð, þorrablót og skírdagskaffi.

Sörlastaðanefnd

Sörlastaðanefnd hefur umsjón með viðhaldi á Sörlastöðum í samstarfi við framkvæmdastjóra félagsins.

Tækjadeild

Tækjadeild hefur umsjón við viðhaldi á vélum og tækjum félagsins í samstarfi við framkvæmdastjóra félagsins.

Viðrunarhólfanefnd

Starfssvið Viðrunarhólfanefndar er að skipuleggja uppgræðslu, girðingavinnu og nýtingu á því landsvæði sem Hafnarfjarðarbær hefur úthlutað félaginu til afnota undir viðrunarhólf.

Æskulýðsnefnd

Æskulýðsnefnd hefur yfirumsjón með öllu barna-, unglinga- og ungmennastarfi, sér um fræðslu í hestamennsku og skipuleggur markvissa útreiðatúra. Já þannig.

Æskulýðsráð

Æskulýðsráð skal skipað a.m.k. 5 – 7 börnum, unglingum og ungmennum á aldrinum 12-21 árs. Leitast skal við að hafa sem breiðast aldursbil innan ráðsins.