|
Félagsaðild Hefur þú áhuga á að gerast félagi í Sörla?
Félagsaðild veitir þér aðgang að öflugu félagsstarfi fyrir hestamenn á öllum aldri. Námskeið, ferðir, skemmtanir, keppnir ofl. auk þeirra glæsilegu aðstöðu sem er á svæðinu og er ætluð félagsmönnum. Nánar FÉLAGSGJÖLD fyrir árið 2012 Eldri borgarar 0 kr. Fæddir 1945 og fyrr (67 ára og eldri). Einstaklingsgjald 7.000 kr. Unglingagjald 5.000 kr. Barnagjald 0 kr. Hjónagjald 10.000 kr. Fjölskyldugjald 12.000 kr. Uppbygging félagsins
Hestamannafélagið Sörli er félag áhugamanna um hestamennsku á hesthúsasvæðinu í Kaldárdal við Hafnarfjörð. Innan þessa svæðis eru í dag tvö hesthúsahverfi, Hlíðarþúfur og Sörlaskeið. Auk þess teljast stök hesthús sem eru á milli Hlíðarþúfna og kirkjugarðsins, vera innan félagssvæðis Sörla. Innan ramma Sörla starfa síðan tvö húseigendafélög, Hlíðarþúfur og Sörlaskeið. Aðild að þeim félögum er ótengd félagsaðild að hestamannafélaginu sjálfu og innheimta þau eigin félagsgjöld. Húseigendafélögin sinna hagsmunum húseigenda á sínu svæði auk þess sem uppbygging aðstöðu á svæði heshúsanna er í sumum tilfellum fjámögnuð og unnin af húseigendafélögunum. Má þar nefna sameiginleg bílaplön, girðingar og nýtt og glæsilegt hinggerði í Hlíðarþúfum. Félagsstarfið Fjölbreytt félagsstarf er á vegum Sörla og er það unnið í gegnum nefndir félagsins. Þátttaka í þeim atburðum sem skipulagðir er opin öllum félagsmönnum, ýmist ókeypis eða gegn gjaldi sem miðar að því að bera beinan útlagðan kostnað. Skipulagning og undirbúningur atburða er hinsvegar unnin í sjálfboðastarfi af félagsmönnum Sörla. Dagskrá hvers vetrar er fjölbreytt og innifelur mót, námskeið, fyrirlestra og skemmtanir. Að gerast félagi Til að gerast félagi í Sörla þarf að senda inn umsókn. Nýir félagsmenn fá þá sendan gíróseðil fyrir fyrsta félagsgjaldinu og þegar það hefur verið greitt eru þeir orðnir fullgildir meðlimir í félaginu. Hvað fæst fyrir félagsgjaldið? Oft velta menn því fyrir sér hvort það sé þess virði að greiða félagsgjöld til hestamannafélags. Menn spyrja hvort þeir séu að fá andvirði peninga sinna. Það er nú þannig að í félagstarfi þá eru ekki alltaf bein tengsl á milli þess sem menn borga og þess sem menn fá. Félagsandinnn felst einmitt í því að vera með og telja ekki stíft krónurnar. En þó svo að menn telji krónurnar þá eru félagar í Sörla að fá mikið fyrir félagsgjöld sín. Gjaldið er óverulegur peningur miðað við þann kostnað sem er af því að eiga og reka hests, hvað þá ef hestarnir eru margir. Félagsstarfið er hinsvegar forsendan fyrir þeirri mikilu aðstöðu og þjónustu sem er á svæði Sörla og eykur ánægju manna af hestum sínum. Sú aðstaða er byggð hefur verið upp af frumkvæði og oft mikilli sjálfboðavinnu félagsmanna á svæði Sörla og er fyrst og fremst ætluð fyrir félagsmenn Sörla. Sörli heldur hinsvegar ekki út eftirlitsmönnum sem fylgjast með því hverjir nota eignir félagsins og það því lítið mál að vera með hesta á svæðinu og nota alla aðstöðu án þess að vera meðlimur og greiða félagsgjöld. Þeir sem það gera eru samt sem áður misnota það sem aðrir hafa byggt upp án þess að taka þátt í kostnaðinum. Eftirfarandi er upptalning á því sem byggt hefur verið upp á félagssvæði Sörla og er til afnota fyrir alla félagsmenn án endurgjalds. Skeiðvellir og æfingarbrautir við Sörlastaði Sörli er í dag með annað af tveimur glæsilegustu reiðvallasvæðum á Reykjavíkursvæðinu. Á svæðinu er löng skeiðbraut auk tveggja keppnis og æfingabrauta. Við keppnisbrautina eru 5 dómshús auk þess sem dómturn stendur við svæðið. Reiðleiðir Reiðvegasvæði Sörla er líklega það besta á höfuðborgarsvæðinu. Skipta má reiðvegum í tvennt. Annarsvegar eru reiðleiðir sem Sörli hefur haft frumkvæði að því að láta gera m.a. með öflunar fjármagns og hinsvegar mikill fjöldi vega og slóða sem nýtast sem skemmtilegar reiðleiðir. Þeir reiðvegir sem Sörli hefur látið byggja upp eru: - Upplýst reiðleið milli Hlíðarþúfna og Sörlaskeiðs. - Tveir reiðhringir um Gráhelluhraun. - Reiðleið um Smyrlabúðahraun sem tengir Sörlasvæðið við reiðleiðir í Heiðmörk. - Reiðvegur að og meðfram Flóttamannaleið sem tengir inn á reiðvegakerfi annarra hestamannafélaga. Við reiðleiðirnar hefur Sörli látið setja upp áningastaði þar sem hestamenn geta bundið hesta sína á meðan áð er. Reiðvegakerfið á hesthúsasvæði Sörla er svo viðamikið að full þörf var á að gera kort af því til að hestamenn gætu áttað sig á öllum þeim möguleikum sem eru til staðar fyrir útreiðar. Það kort kom út í október 2001. Snjóruðningur Snjóruðningur reiðleiða á svæði Sörla eru fjármagnaðar úr sjóðum Sörla og með stuðningi Hafnarfjarðarbæjar í samstarfi við Sörla. Reiðveginum á milli hesthúsahverfanna er alltaf haldið ruddum og upplýstum og er mikilvægur til þess að hægt sé að stunda útreiðar að kvöldi þegar vetur eru harðastir og dagarnir stystir. Aðrar reiðleiðir eru síðan ruddar eftir því sem veður gefa tækifæri til og til að opna þær sem fyrst á vorin þegar dregur úr ofankomu. Reiðhöll Sörli á og rekur glæsilega reiðhöll. Með höllinni gefst aðstaða fyrir ýmiskonar námskeið og sýningar sem annars væri erfitt að halda utandyra yfir vetrarmánuðina. Rekstur reiðhallarinnar er að mestu fjármagnaður með útleigu til ýmissra nota sem oft er annað en hestamennska. Félagsmenn í Sörla hafa síðan aðgang að höllinni á ákveðnum tímum og geta notað hana til æfinga og þjálfunnar á hestum sínum. Vetrardagskrá Sörli gefur árlega út vandaða, litprentaða vetrardagskrá þar sem fram koma þeir viðburðir sem félagið stendur fyrir á árinu. Einnig er þar að finna upplýsingar um stjórn og formenn allra nefnda félagsins. Félagsheimili Í Sörlastöðum er einnig félagsheimili Sörla. Þar er salur þar sem haldnir eru fundir, námskeið og skemmtanir. Vefurinn Sörli rekur þennan vef fyrir félagsmenn sína. Hann er orðinn stór þáttur í starfi félagsins en gegnir því hlutverki í að veita upplýsingum um til félagsmanna auk þess að vera vettvangur til þar sem félagsmenn geta komið sjónarmiðum sínum á framfæri. Æfingagerði Við hlið reiðhallarinnar að Sörlastöðum er rúmgott æfingagerði sem félagsmenn Sörla hafa geta notað að vild. Af þessari upptalningu má sjá að sú aðstaða og þjónusta sem félagsmenn í Sörla hafa byggt upp og viðhalda er lykilatriði til að hestamenn á svæðinu geti stundað hestamennsku á þægilegan hátt allt árið. Með því að vera félagar í Sörla geta menn með góðri samvisku notað þessa aðstöðu hvort sem þeir taka virkan þátt í félagsstarfinu eða ekki. |