Reglur um notkun reiðhallar

Reiðhöll Sörla er notuð til kennslu, keppni og atburða á vegum félagsins. Félagsmenn hafa aðgang að höllinni á ákveðnum tímum skv. auglýstri dagsskrá. Heimilt er að leigja höll til kennslu á afmörkuðum tímum.

1. Umsjónarmaður reiðhallar sér um skipulagningu tíma og gætir þess að upplýsingar liggi fyrir í reiðhöll og á vef félagsins.

2. Virka daga frá kl. 9-12 er heimilt er að leigja tíma í reiðhöll til kennslu. Verð á klst. er 2.500 kr. Umsjónarmaður Sörlastaða sér um útleigu.

3. Óheimilt er að skipuleggja kennslu hópa á tímum sem höll er auglýst opin til almennrar notkunar. Félaga í Sörla er heimilt að njóta leiðsagnar í einstaklingskennslu á opnum tíma án þess að lokað verði fyrir notkun annarra á sama tíma.

4. Notkun reiðhallar annarra atburða, s.s. móta, sýninga og kennslu, verður skipulögð í samráði við umsjónarmann og skal þess gætt að slíkt sé auglýst á vef félagsins undir hnappnum Sörlastaðir og í reiðhöll.

5. Knöpum er skylt að nota hjálm í reiðhöll. Á þetta við um alla, atvinnu- og áhugamenn.

Samþykkt í stjórn Sörla, 10. mars, 2009.